بزوتنه‌وه‌ی یه‌كسانی خوازانه‌ی ژنانی ئیران  لە رۆانگەی خەباتی چینی کرێکارەوە

له‌ هه‌ل و مه‌رجی ئیستای كۆمه‌لگای ئیران لیكدانه‌وه‌ی روداوه‌كان و هه‌لسه‌نگاندنی گۆرانكاریه‌ سیاسی و كۆمه‌لایه‌تیه‌كان به‌ بی هه‌لسه‌نگاندنی بزوتنه‌وه‌ی یه‌كسانی خوازانه‌ی ژنان و جیگا و شوینی ئه‌وان له‌ گۆراناریه‌كانی ئه‌م دوایانه‌, لیكدانه‌وه‌یه‌كی نوقسانه‌. ژنان نیوه‌ی كۆمه‌لگا پیكدینن. له‌ قۆناغی له‌ ناو بردنی نیزامی پاشایه‌تیش نیوه‌ی كۆمه‌لگایان پیك دینا. ئه‌وان هه‌لسوراوانه‌ له‌ ناره‌زایه‌تیه‌كان, مانگرتنه‌كان و خۆپیشاندانه‌كان كه‌ بووه‌ هۆی له‌ ناو چونی رژیمی شا به‌شداریان كرد.به‌لام له‌و كاته‌دا بزوتنه‌وه‌ی ژنان وه‌ك یه‌ك پارامیتر له‌ گۆرانكاریه‌كانی سیاسی و كۆمه‌لایه‌تی كۆمه‌لگا له‌ ئارا دابوو, وی ده‌چوو ئه‌گه‌ر له‌و قۆناغه‌دا بزوتنه‌وه‌ی ژنان ته‌نانه‌ت به‌ كه‌یفییه‌ت و تایبه‌تمه‌ندیه‌كانی ئیستای خوی وه‌ك یه‌ك پارامیتر له‌ ئارادا ببوایه‌, ره‌وتی بارودۆخی سیاسی ئیران ریگایه‌كی تری تیپه‌ر ده‌كرد. ئه‌وه‌یكه‌ ئه‌مرۆ بزوتنه‌وه‌ی یه‌كسانی خوازانه‌ی ژنان ده‌كاته‌ پارامیتریكی هاشا هه‌لنه‌گری ره‌وتی گۆرانكاریه‌كانی سیاسی و كۆمه‌لایه‌تی له‌ ئیران, بونی هه‌لسوراو هه‌رچه‌ند نا ریكخراوی ئه‌م  بزوتنه‌وه‌یه‌ و هه‌لسورانی له‌ جه‌ریانی خه‌باتی كۆمه‌لایه‌تیه‌. ئیمه‌ كومونیسته‌كان شیلگیرترین پشتیوانانی هه‌لوه‌شانه‌وه‌ی هه‌ر جۆره‌ هه‌لاولردنیك و پشتیوانانی یه‌كسانی ته‌واوی چین و تویژه‌كانی كۆمه‌لگای سه‌ر به‌ خۆ له‌ هه‌ر جۆره‌ ره‌گه‌ز په‌ره‌ستی و ئایین و جنسیه‌تین, ده‌بی بزوتنه‌وه‌كانی یه‌كسانی خوازانه‌ و پیشكه‌وتوو له‌م بواره‌دا واته‌ بزوتنه‌وه‌ی ژنان دا بناسین و سیاسه‌تیكی رون و ئاشكرای بۆ دیاری بكه‌ین.

كۆسپ و به‌ر به‌سته‌كانی سه‌ر ریگای بزوتنه‌وه‌ی یه‌كسانی خوازانه‌ی ژنان!

گرفتی ژنان, زۆریك له‌ گرفته‌كانی ژنانی ئیرانی ژیر ده‌سه‌لاتی ره‌شی كۆماری ئیسلامی و نیزامی سه‌رمایه‌داری بۆ هیچ كه‌سیك شاراوه‌ نییه‌. خۆ راگری و ناره‌زایه‌تی ژنانیش سه‌باره‌ت به‌ ئه‌م بارو دۆخه‌ ئاشكرایه‌.ژنان ئه‌مرۆكه‌ شارومه‌ندی پله‌ دوو به‌ حیساب دین و سه‌ره‌رای ئه‌وه‌یكه‌ ته‌حقیر, سه‌ركوت,هه‌ژاری و به‌لاكانی كۆمه‌لایه‌تی به‌ سه‌ر به‌شیكی زۆری ژنانی ئیران دا داسه‌پاوه‌, به‌لام ئه‌وان ئیتر قوربانی بی ده‌نگی نیزامی سه‌ركوتگه‌ر و زالمی ده‌سه‌لاتدار نین. زیاتر به‌ 60 له‌ سه‌دی خویندكارانی زانكۆكانی ئیران له‌ ژنان پیك هاتون, گه‌شه‌ی به‌ر چاوی ژماره‌ی ژنانی نوسه‌ر, رۆژنامه‌ وان, حزوری هه‌لسوراوی ژنان له‌ ناره‌زایه‌تیه‌كانی كریكاری, له‌ جم و جۆله‌ ناره‌زایه‌تیه‌كان كه‌ له‌ ناوچه‌ جۆرا و جۆره‌ كان پیك دین و له‌ خۆپیشاندانه‌كان, به‌ریوه‌بردنی مه‌راسمی 8ی مارس و پیك هینانی كۆبونه‌وه‌كانی سوخه‌نرانی و سیمیناره‌كان بۆ قسه‌ و باس و لیكۆلینه‌وه‌ سه‌باره‌ت به‌ مافه‌كانی ژنان و گیرو گرفته‌كانی ئه‌وان لایه‌نه‌كانی به‌شداری ناره‌زایه‌تیانه‌ و حه‌ق خوازانه‌ی ژنانی ئیرانیه‌.

ژنان به‌ تایبه‌ت له‌ ناو بنه‌ماله‌ و له‌ به‌رانبه‌ر ده‌زگای قه‌زایی نیزامی مه‌زهه‌بی ده‌سه‌لات دا به‌ سه‌ر ئێران دا خه‌باتی حه‌ق خوازانه‌ی خۆیان درێژه‌ پێ ده‌ده‌ن و له‌ زۆر بواریش دا كه‌له‌ ویشكه‌كانیان ناچار كردووه‌ كه‌ سه‌رپێچی ژنان له‌ یاسای ئیسلامی له‌ به‌رچاو نه‌گرن. به‌لام ئایا ئه‌م ئاستی خه‌بات و ناره‌زایه‌تی یه‌ ده‌توانی وه‌لام ده‌ره‌وه‌ی گرفت و ئه‌و كێشانه‌ بێ كه‌ ژنان له‌ گه‌لی ده‌ست به‌ یه‌خه‌ن؟ وه‌لام روون و ئاشكرایه‌، خه‌باتی پرژ و بلاو و نا رێكخراو ئیستا ناتوانێ ببێته‌ هۆی گورانكاری بنه‌ره‌تی له‌ بارودۆخی ژنان. ته‌نانه‌ت وه‌دی هاتنی داواكاری یه‌كانی گشتی ژنان سه‌ربه‌خۆ له‌ بوچوونه‌ جۆراوجۆره‌كانی چینایه‌تی ئه‌وان، وه‌دی هاتنی یه‌كسانی حقوق ژن و پیاو، لابردنی حیجابی زۆره‌ملێ، لابردنی ئه‌و یاسایانه‌ی كه‌ ژن ده‌كاته‌ ژێرده‌سته‌ی هاوسه‌ر، باوك و برا، له‌ قوناغی یه‌كه‌م دا له‌ گره‌وی له‌ ناوچوونی رژیمی ئیسلامی دایه‌. له‌ ناوچوونی كۆماری ئیسلامی پێش شه‌رتی به‌كرده‌وه‌ ده‌رهێنانی گۆرانكاری له‌ بارودۆخی ژنانه‌. بزووتنه‌وه‌ی ژنان به‌ ته‌نیایی نه‌ وه‌ها هێز و وه‌ها ره‌ساله‌تێكی هه‌یه‌ كه‌ رژیمی ده‌سه‌لات دا له‌ ناو به‌رێ. ته‌نیا به‌ یه‌كگرتووی بزووتنه‌وه‌كانی رێكخراو ویه‌كسانی خوازانه‌ ده‌توانی كوتایی به‌ ده‌سه‌لات داریه‌تی نگریسی دواكه‌وتویی و خورافه‌ و سه‌رمایه‌ بێنی و ببیته‌ هۆی دامه‌زرانی نیزامێك كه‌ موژده‌ی یه‌كسانی ئینسانه‌كان ده‌دات.

بزووتنه‌وه‌ی یه‌كسانی خوازانه‌ی ژنان له‌ پرژو بلاوی بێ رێكخراوی ره‌نج ده‌بات. هه‌لبه‌ت گرفتی پرژ و بلاوی تایبه‌ت به‌ بزووتنه‌وه‌ی ژنان نی یه‌. سه‌ركوت و خه‌فه‌قان، كوشت و بری رێكخراوه‌كان و هه‌لسوراوانی بزووتنه‌وه‌ پێشكه‌وتن خوازه‌كان كاریگه‌ری خۆی له‌ سه‌ر ئه‌م بزووتنه‌وانه‌ بووه‌. ئه‌وه‌ی كه‌ بزووتنه‌وی ژنانی له‌م بواره‌دا بۆ وێنه‌ له‌ بزووتنه‌وه‌ی كرێكاری جیا كردوته‌وه‌ ره‌وشتی تێكه‌لاوی ژنانه‌. ژنان هه‌ر وه‌ك پیاوان له‌ چین و توێژه‌كانی ناو كومه‌لگادا به‌ سه‌ر ده‌به‌ن. ژنان تا ئه‌و جێگایه‌ كه‌ داواكاریه‌كانی ژنان و مه‌سه‌له‌ی یه‌كسانی حقوقی له‌ ئارا دایه‌، خواستێكی هاوبه‌شیان هه‌یه‌. به‌لام ئه‌گه‌ر یه‌كسانی حقوقی بۆ ژنانی چینی حه‌ساوه‌ واته‌ چینی مام ناوه‌ندی كومه‌لگا ئاكامی خه‌بات له‌ گه‌ل نیزامی سیاسی ده‌سه‌لات داره‌، بۆ ژنانی كرێكار یه‌كسانی حقوقی سه‌رئه‌نجامی خه‌باتێكی روون و به‌رحه‌قه‌ له‌ گه‌ل نیزامی چه‌وسێنه‌ری سه‌رمایه‌داری. ژنی كرێكار بۆ وێنه‌ با بلێین، یه‌كسانی حقوقی وه‌ده‌ست هێناوه‌، واته‌ جێگا و شوێنێك هاوته‌رازی پیاوی هاوچینه‌كه‌ی واته‌ پیاوی كرێكار به‌ ده‌ست دێنی كه‌ نیزامی دامه‌زراو له‌ سه‌ر بنچینه‌ی خاوه‌نداریه‌تی تاكه‌ كه‌سی ئه‌وی كردوته‌ كویله‌ی سه‌رمایه‌دار. ره‌وشتی تێكه‌لاوی بزووتنه‌وه‌ی یه‌كسانی خوازانه‌ی ژنان نه‌ ته‌نیا دیاری كردنی داواكاری یه‌كان و سیاسه‌تی خه‌بات بۆ هه‌لسوراوانی ئه‌م بزووتنه‌وه‌یه‌ ده‌كات به‌ كارێكی دژوار و پر له‌ فراز و نشێو، به‌لكو باس و لێكولینه‌وه‌ له‌ سه‌ر ئه‌و بزووتنه‌وه‌یه‌ له‌ نیوان پێشره‌وانی كرێكاریدا به‌رز ده‌كاته‌وه‌.

بزووتنه‌وه‌ی یه‌كسانی خوازانه‌ی ژنانی ئێران به‌ بێ رێكخراو بوون، به‌ بێ دیاری كردنی داواكاری یه‌كانیان، دوره‌ روانینه‌كان و سیاسه‌تی روون و ئاشكراو و په‌یوه‌ندی پته‌و كه‌ له‌ گه‌ل بزووتنه‌وه‌ی یه‌كگرتوو به‌حیساب دێن له‌ بازنه‌ی نیزامی ئیستایی به‌رته‌سك ده‌مینه‌وه‌. هه‌لسوراوانی سوسیالیستی بزووتنه‌وی ژنانیش ئه‌گه‌ر چی كه‌ له‌ چاو باقی بزووتنه‌وه‌كانی تری ژنان ئامانجی به‌ربلاو تریان هه‌یه‌، به‌لام له‌ نه‌بوونی رێكخراو و له‌ نه‌بوونی په‌یوه‌ندی چر و پر له‌ گه‌ل بزووتنه‌وه‌ی چینی كرێكار، به‌ كرده‌وه‌ له‌ ئامانجی ژنانه‌ بوون دا به‌رته‌سك ده‌بێته‌وه‌. هه‌ر ئه‌وه‌ به‌سه‌ كه‌ بێته‌وه‌ بیرمان كه‌ خه‌لاتی ئاشتی نوبێلی خانمی شیرینی عێبادی چ هه‌راو هوریایه‌كی له‌ نێوان ژماره‌یه‌ك له‌ هه‌لسوراوانی سوسیالیستی بزووتنه‌وه‌ی ژنان پێك هێنا.

چینی كریكار  و بزوتنه‌وه‌ی ژنان

چینی كریكار هیچ به‌رژه‌وه‌ندیه‌كی له‌ راگرتنی نیزامی ده‌سه‌لاتداری ئیستا دا نییه‌. هیچ شتیك ئه‌م چینه‌ له‌ گه‌ل نیزامی سه‌رمایه‌داری په‌یوه‌ند نادات. ئه‌م چینه‌ هیچ شتیكی بۆ له‌ده‌ست دان نییه‌, هه‌ر به‌م هۆیه‌ش شیلگیرترین خه‌باتكاری هه‌لوه‌شانه‌وه‌ی هه‌ر جۆره‌ هه‌لاواردنیك و نا یه‌كسانی سیاسی, كۆمه‌لایه‌تی و ئابورییه‌. باقی بزوتنه‌وه‌كانی پیشكه‌وتن خواز و یه‌كسانی خواز به‌ هه‌ر راده‌یه‌ك رشته‌ی په‌یوه‌ندییان له‌ گه‌ل بزوتنه‌وه‌ی چینی كریكار پته‌وتر ده‌بیت, ئامانجی وه‌ده‌ست هینانی داواكاریه‌كانیان به‌ر بلاو تر ده‌بیت.

بزوتنه‌وه‌ی ژنان به‌ یه‌كگرتویی له‌ گه‌ل بزوتنه‌وه‌ی كریكاری ئه‌م دووره‌ روانینه‌ له‌ به‌رانبه‌ر خۆی دا ده‌كاته‌وه‌ كه‌ داواكاریه‌كانی جه‌ماوه‌ری ژنان به‌دی دینی و به‌ شیلگیر ترین شیوه‌ی پیویست یه‌كسانی راسته‌قینه‌ی ژنانی كریكار و زه‌حمه‌تكیش به‌ دیاری دینی. به‌لام په‌یوه‌ندی بزوتنه‌وه‌ی ژنان و باقی بزوتنه‌وه‌كانی پیشكه‌وتن خواز, له‌ گه‌ل بزوتنه‌وه‌ی كریكاری جاده‌ی یه‌ك ساید نییه‌. ئه‌گه‌ر ئه‌م بابه‌ته‌ له‌ روانگه‌ی چینی كریكاره‌وه‌ هه‌لسه‌نگینین, ئه‌و چینه‌ بۆ ئه‌وه‌ی كه‌ بتوانی خۆی وه‌ك یه‌ك هیزی ریكخراو له‌ به‌رانبه‌ر چینی ده‌سه‌لاتدار دا ریك بخات, ده‌بی و ناچاره‌ له‌ ته‌واوی هیزی ناره‌زایه‌تی و یه‌كسانی خوازانه‌ی چین و تویژه‌كانی نا كریكاری كه‌لك وه‌ربگریت.

ماركس و ئینگیلس, له‌ ناوه‌راسته‌كانی سه‌ده‌ی 19ی زایینی, به‌ ئاشكرا له‌ سه‌ر ئه‌و بابه‌ته‌ پیان داگرتووه‌ كه‌ چینی كریكار بۆ به‌چۆك دادانی بورژوازی ده‌بی بزوتنه‌وه‌ی ئه‌و تویژانه‌ی كه‌ له‌ بریك شوین دا له‌ گه‌ل نیزامی ده‌سه‌لاتدار دا ناكۆكیان هه‌یه‌ یان دژایه‌تیان هه‌یه‌بكه‌نه‌ هاوری خۆیان. مانیفیستی كومونیست به‌ ئاشكرا رایده‌گه‌ینی كه‌ چینی كریكار ده‌بی ئالا هه‌لگری خه‌باتی ناره‌زایه‌تی باقی بزوتنه‌وه‌كانی پیشكه‌وتن خواز بیت. په‌یوه‌ندی نیوان بزوتنه‌وه‌ی كریكاری له‌ گه‌ل بزوتنه‌وه‌كانی جیا له‌ پرولیتیری جیگای باس و دمه‌ته‌قه‌ و كیشمه‌ كیشی نیوان بزوتنه‌وه‌ی كریكاری و حیزبه‌ كومونیسته‌كان له‌ ئاست نیونه‌ته‌وه‌یی دابووه‌.

په‌یوه‌ندی بزوتنه‌وه‌ی چینی كریكار له‌ گه‌ل بزوتنه‌وه‌كانی جوتیاران, پیوه‌ندی له‌ گه‌ل بزوتنه‌وه‌كانی نه‌ته‌وه‌یی, پیوه‌ندی له‌ گه‌ل بزوتنه‌وه‌ گشتیه‌كان بۆ وه‌ده‌ست هینانی ئازادی سیاسی و پیوه‌ندی له‌ گه‌ل بزوتنه‌وه‌ی ژنان له‌و بابه‌تانه‌ن كه‌ جیگای باس و دمه‌ته‌قه‌ی جیدی بووه‌. به‌ جورئه‌ته‌وه‌ ده‌توانین بلین كه‌, دیاری كردنی سیاسه‌تی چینی كریكار له‌ ئاست ئه‌م جۆره‌ بزوتنه‌وانه‌, تیكه‌لاوترین به‌شی دیاری كردنی تاكتیكه‌كانی پیشره‌وانی كریكاری حیزبه‌ كومونیسته‌كانه‌. كه‌مته‌ر خه‌می سه‌باره‌ت به‌ توانا و هیزی وه‌ها بزوتنه‌وه‌گه‌لیك چینی كریكار له‌ یه‌كگرتووتنی خوی بی به‌هره‌ ده‌كات و كه‌مته‌رخه‌می به‌ به‌رته‌سك بوون و مه‌شروت بونی یه‌كگرتویی چینی كریكار له‌ گه‌ل باقی بزوتنه‌وه‌كان, چینی كریكار له‌ ریز و سیاسه‌تی سه‌ر به‌ خۆی خوی بی به‌ش ده‌كات و بزوتنه‌وه‌ی ئه‌م چینه‌ له‌یه‌ك بزوتنه‌وه‌ی گشتی له‌ چوار چیوه‌ی نیزامی ده‌سه‌لاتدار دا بی ناوه‌رۆك ده‌كات. ئه‌گه‌ر چاویكی دوباره‌ به‌ پراتیكی حیزبه‌ كومونیسته‌كان له‌ دیاری كردنی بۆچون سه‌باره‌ت به‌ بزوتنه‌وه‌ی باقی تویژه‌كانی كۆمه‌لگادا بخشینین, هه‌ر دوو لایه‌نی به‌لاریدا به‌ر, واته‌ توندره‌وی و سوكه‌ره‌وی له‌ هه‌لسه‌نگاندنی جیگا و شوینی بزوتنه‌وه‌كانی یه‌كگرتوی چینی ده‌بینین. به‌تایبه‌ت كه‌ دیاری كردنی سیاسه‌ت هیشتاش خودی سیاسه‌ت نییه‌.

به‌ كرده‌وه‌ پیوه‌ندی نیوان پیشره‌وانی بزوتنه‌وه‌ی كریكاری و حیزبه‌ كومونیسته‌كان له‌ گه‌ل بزوتنه‌وه‌ نا كریكاریه‌كان پیوه‌ندیه‌كی ده‌ستوری نییه‌. چینی كریكار ناتوانی ته‌نیا به‌ ئه‌وه‌یكه‌ شیلگیرترین خه‌باتكاری دژی نیزامی ده‌سه‌لات داره‌ چاوه‌روانی بی كه‌ باقی تویژه‌كانی تر سیاسه‌تی ئه‌و بسه‌لمینن. به‌كرده‌وه‌ ئه‌وه‌ هونه‌ری پیشره‌وانی بزوتنه‌وه‌ی كریكاری و حیزبه‌ كومونیسته‌كانه‌ كه‌ هیز و توانای ئه‌م بزوتنه‌وانه‌ به‌ شیوه‌یه‌كی دیاری كراو هه‌لسه‌نگینن.له‌ خواستی پیشكه‌وتووی ئه‌م بزوتنه‌وانه‌ هه‌لسوراوانه‌ پشتیوانی بكات,له‌كاتی پیویست نیانی و یان كه‌له‌ ره‌قی نیشان بده‌ن و له‌ هه‌ر كاتیك سیاسه‌تیكی دیاری كراو به‌ لیكدانه‌وه‌ی بارودۆخی دیاری كراو ئه‌م بزوتنه‌وانه‌ له‌ گه‌ل خۆی هاوچه‌رخ بكات و یان بی لایه‌نیان بكات. جیا له‌م شیوه‌یه‌ هیچ بزوتنه‌وه‌یه‌ك به‌ فه‌رمانی پیشره‌وانی چینی كریكار, له‌ ریزیكی یه‌كپارچه‌ له‌ گه‌ل چینی كریكار دا نابیت. چینی كریكار له‌ توانایی و هیزی یه‌كگرتووانی خۆی بی به‌هره‌ ده‌بیت, بزوتنه‌وه‌كانی نا كریكاری له‌ بازنه‌ی نیزامی ده‌سه‌لاتدار دا ده‌ر جا لی ده‌ده‌ن و توانایی به‌دی هینانی خواست و داواكاریه‌كانی خۆیانیان نییه‌. هه‌لسوكه‌وتی ریكخراوه‌ سیاسیه‌ چه‌په‌كانی ئیران له‌ گه‌ل ناره‌زایه‌تی ژنان له‌ سالی 1358 له‌ دژی حیجابی زۆره‌ ملی و یاساكانی دژی ژنی كۆماری ئیسلامی نمونه‌یه‌كی ئاشكرایه‌. پشتیوانی شیلگیر و بی ئه‌م لاو ئه‌م لای ریكخراوه‌ سیاسیه‌ چه‌په‌كان له‌ خه‌باتی ژنان ده‌توانی بزوتنه‌وه‌ی ناره‌زایه‌تی ژنان له‌ گه‌ل ئه‌و ریكخراوانه‌ په‌یوه‌ند بدات و كاریگه‌ری باشی له‌ دیموكراتیزه‌ كردنی كه‌ش و هه‌وای كۆمه‌لگادا ببیت. لانی كه‌م ده‌سه‌لاتی ته‌واوی دواكه‌وتویی سیاسی له‌ سه‌ر ته‌واوی كار و باری ژیانی كۆمه‌لگاوه‌ دواده‌كه‌ویت.

ئه‌مرۆكه‌ بارو دۆخه‌كه‌ جیاوازه‌, بونی به‌ر چاوی بزوتنه‌وه‌ی یه‌كسانی خوازانه‌ی ژنان بۆته‌ هۆی ئه‌وه‌یكه‌ به‌ گشتی ئه‌نگوست له‌ سه‌ر مه‌سه‌له‌ی ژنان دانین. له‌ ریزی جه‌ریاناتی چه‌پ و حیزب و ریكخراو و گروپیك ناتوانین ببینین كه‌ به‌ شیوه‌یه‌ك له‌ ره‌وابونی خه‌باتی ژنان پشتیوانی نه‌كات. لیره‌ش دا كه‌ به‌ لایه‌نه‌كانی زیده‌ره‌وی و كه‌مته‌ر خه‌می یان خود سوكه‌ ره‌وی ئاشكرایه‌. ژماره‌یه‌ك له‌ جه‌ریاناتی چه‌پ وه‌ها له‌ جولانه‌وه‌ و ناره‌زایه‌تی ژنان پشتیوانی ده‌كه‌ن كه‌ هیچ سنوریك له‌ نیوان خۆیان و جه‌ریاناتی بورژوا فیمینیست, ناهیلنه‌وه‌. ژماره‌یه‌كیش روی قسه‌یان ته‌نیا له‌ گه‌ل ژنانی كریكاره‌ و له‌م پشتیوانیه‌ یه‌ك لایه‌نه‌یه‌ له‌ ژنانی كریكار له‌ بیرمان ده‌چیته‌وه‌ كه‌ یه‌كه‌م ئه‌وه‌یكه‌ چینی كریكار كاتیك ده‌توانی بیسه‌لمینی كه‌ شایانی بینانانی كۆمه‌لگای نویه‌ كه‌ له‌ كرده‌وه‌ دا له‌ دژی هلاولردن و زولم و زۆر خه‌بات ده‌كات, دوهه‌م ئه‌وه‌یكه‌ مه‌سه‌له‌ی ژنی كریكاریش ته‌نیا مه‌سه‌له‌ی ئابوری نییه‌. ئه‌وه‌یكه‌ ژنی كریكار له‌ باقی ژنانی تر جیا ده‌كاته‌وه‌ مه‌سه‌له‌ی چه‌وساندنه‌وه‌ی دوولایه‌نه‌ی ئه‌وه‌. ژنی كریكار یه‌ك جار وه‌ك كریكار له‌ لایه‌ن سه‌رمایه‌داره‌وه‌ ده‌چه‌وسیته‌وه‌ و جاریكی تریش له‌ مال دا وه‌ك ژن, قه‌ره‌واشی جینسی و كریكاری ناو مال.

مه‌سه‌له‌ی ژنان مه‌سه‌له‌یه‌كی تیكه‌لاوه‌, جه‌ریاناتی بورژوا ته‌نیا سه‌رنج ده‌ده‌نه‌ لایه‌نیكی ئه‌م مه‌سه‌له‌یه‌ و به‌ ده‌ست هینانی یه‌كسانی حقوقی خه‌باتی ئه‌وانه‌. جه‌ریاناتی پرولیتیری كه‌ چه‌وسانه‌وه‌ی ئینسان به‌ ده‌ست ئینسانیان ره‌د كردۆته‌وه‌ و خوازیاری هه‌لوه‌شانه‌وه‌ی هه‌ر جۆره‌ سته‌م و هه‌لاواردنیكن, ناچارن به‌ هه‌ر دوو لایه‌نی تیكهه‌ل پیچراوی ئه‌م مه‌سه‌له‌یه‌ سه‌رنج بده‌ن. خه‌باتی بی به‌زه‌ییانه‌ و بی وچان له‌ دژی چه‌وساندنه‌وه‌ی سه‌رمایه‌داری, مه‌زهه‌ب و داب و نه‌ریتی دژی ژن لایه‌نه‌كانی لیك نه‌كراوه‌ی ولامی كومونیسته‌كان به‌ مه‌سه‌له‌یه‌كی تیكه‌لاو و گرینگ به‌ ناوی مه‌سه‌له‌ ژنانه‌.

٭٭٭