به‌یانییه‌ی ناوه‌نده‌كانی هاوپشتی له‌گه‌ڵ كرێكارانی ئێران سه‌باره‌ت به‌ گیان له‌ ده‌ست دانی "یه‌دوڵڵا خوسره‌و شاهی"

به‌ داخه‌وه‌ هه‌واڵی گیان له‌ده‌ست دانی "یه‌دوڵڵا خوسره‌و شاهی"مان بیست و زۆر خه‌مبار بووین. ناوبراو به‌ كۆڵه‌بارێك ئاواتی له‌مێژینه‌ بۆ بزوتنه‌وه‌ی كرێكاری ئێران ئێمه‌ی به‌جێهێشت.

"یه‌دوڵڵا خوسره‌و شاهی"  له‌ هه‌ڵسووڕاوانی بزوتنه‌وه‌ی كرێكاری و یاری زه‌حمه‌تكێشان و كرێكارانی ئێران، بۆ هه‌میشه‌ ماڵئاوایی لێكردین. باری گران و پڕ زه‌جر و ئازاری زیندانه‌كانی رژیمی شا و كۆماری ئیسلامی له‌سه‌ر شان بوو و به‌جێهێشتین. ئێمه‌ ناوه‌نده‌كانی هاوپشتی له‌گه‌ڵ كرێكارانی ئێران یادی "یه‌دوڵڵا خوسره‌و شاهی" رێز لێده‌گرین و وێڕای ده‌ربڕینی خه‌م و په‌ژاره‌، به‌ بۆنه‌ی له‌ ده‌ست دانی "یه‌دوڵڵا خوسره‌و شاهی"، سه‌ره‌خۆشی خۆمان ئاراسته‌ی دۆستان و به‌ تایبه‌ت بنه‌ماڵه‌ی موحته‌ره‌می ناوبراو ده‌كه‌ین.

جومعه  16ی  رێبه‌ندان  ١٣٨٨ _ 05  فێڤریه  2010