مه‌حكوم كردنی زه‌خت و گوشاره‌كانی سه‌ر "مه‌نسور ئوسالو" له‌ لایه‌ن سه‌ندیكای شیركه‌تی واحیدی تارانه‌وه‌

سه‌ندیكای كرێكارانی شیركه‌تی واحیدی ئوتوبوسڕانی تاران و ده‌وروبه‌ر به‌ ده‌ركردنی به‌یانییه‌یه‌ك، درێژه‌ی زه‌خت و گوشاره‌كانی له‌ دژی "مه‌نسور ئوسالو" سه‌رۆكی ئه‌و سه‌ندیكایه‌ و باقی زیندانیانیان مه‌حكوم كرد.

له‌ به‌شێك له‌و به‌یانییه‌دا هاتووه‌، "مه‌نسور ئوسالو" سه‌رۆكی هه‌یئه‌ت مودیره‌ی سه‌ندیكای كرێكارانی شیركه‌تی واحید كه‌ به‌ هۆكارێكی نادیار ماوه‌یه‌ك له‌مه‌وبه‌ر گواستراوه‌ته‌وه‌ بۆ زیندانی ره‌جایی شه‌هری كه‌ره‌ج و له‌ هه‌ل و مه‌رجێكی ناله‌بار و مه‌ترسیدار، ده‌ورانی مه‌حكومیه‌ته‌كه‌ی تێپه‌ڕ ده‌كات. ناوبراو چه‌ندین جار هه‌ڕه‌شه‌ی گیانی لێكراوه‌ و ئه‌و مه‌سه‌له‌یه‌ نیگه‌رانی بنه‌ماڵه‌، ئه‌ندامانی سه‌ندیكای كرێكارانی شیركه‌تی واحید و كۆمه‌ڵگای كرێكاری ئێرانی په‌ره‌پێداوه‌. سه‌ندیكای كرێكارانی شیركه‌تی واحیدی ئوتوبوسڕانی تاران و ده‌وروبه‌ر وێڕای مه‌حكوم كردنی ئه‌و چه‌شنه‌ گوشارانه‌ له‌ دژی زیندانیان، خوازیاری لێكۆڵینه‌وه‌ی یاسایی و دادگایی كردنی به‌ڕێوه‌به‌ران و بڕیارده‌رانی ئه‌و رووداوانه‌ بووه‌.

پێنج شه‌ممه  13ی  ره‌شه‌مه  ١٣٨٨ _ 4  مارس  2010