درێژه‌ی كۆبوونه‌وه‌ ناڕه‌زایه‌تییه‌كان له‌ به‌رده‌م زیندانی ئێڤین

ئێواره‌ی رۆژی دووشه‌ممه‌ ١٧ی ره‌شه‌ممه‌ ژماره‌یه‌كی زۆر له‌ دایكانی پرسه‌گێڕ، ئه‌ندامانی بنه‌ماڵه‌ی دایكانی ده‌ستبه‌سه‌ر كراو، بنه‌ماڵه‌ی ده‌ستبه‌سه‌ر كراوه‌كان و زیندانیانی سیاسی له‌ به‌رده‌م زیندانی ئێڤین كۆبوونه‌وه‌ی ناڕه‌زاییان به‌ڕێوه‌ برد.

به‌شداربووانی ئه‌م كۆبوونه‌وه‌یه‌ خوازیاری ئازادی ده‌ستبه‌جێ و بێ شه‌رت و مه‌رجی ده‌ستبه‌سه‌ر كراوانی ناڕه‌زایه‌تییه‌كانی ئه‌م دواییانه‌ و دایكانی زیندانیی بوون. ده‌وترێت به‌ پێداگری و خۆڕاگری بنه‌ماڵه‌ی ده‌ستبه‌سه‌ر كراوان و زیندانیانی سیاسی، كاربه‌ده‌ستانی رژیم به‌ ناچار ژماره‌یه‌كی دیكه‌ له‌ زیندانیانی سیاسیان ئازاد كردووه‌.

سێ شه‌ممه  18ی  ره‌شه‌مه  ١٣٨٨ _ 9  مارس  2010